محمد العوضي وبيني وبينكم

بســـــ الله الرحمــــ الرحيم ـــــــــــــــــــم

الٍٍـسٍـٍـ عٍلٍيكٍـٍـٍمٍـٍ ورحٍـٍمٍـٍـٍ الٍلٍه ـٍـٍة وبٍـٍركٍـٍاٍتٍـٍهٍ ـٍــلامٍـٍ

:: زوار مدونتي الجديده ::

((~ هلا و غلا ~))

.•:*¨`*:•.

 موضوعي اليوووم حول

  :: العماله الوافده ::

::~:: برنامج بيني وبينكم برنامج يقدمه الأستاذ الداعيه محمد العوضي ~الغني عن التعريف~وبصراحه كان يناقش ::~::

::موضوع في غاية الأهميه واضن انه حساس في نظري كان يناقش موضوع::

::~::العماله الوافده::~::

هالفئه المسكينه الي محد ينظر إلى كيفيت حياتهم كل الي يهمنا ان هم يخدمونا وبس والله

طلع لنا مناظر اتعور القلب

الواحد منا يحط نفسه كان هالأنسان المتغرب من ابلاده علاشان آخر الشهر يستلم 600او700 ولا نصهم يصرفه

على نفسه ونصها يطرشها حق هله ويبخل على نفسه لأن كل شيئ بالنسبه له في غربته غاليه

وانجي احنا بكل بساطه يقرفنا منظر هالأنسان وماتحب ناخذ شيئ من تحت ايده

أو بالأحرى يقرفنا <<وسوري على هالكلمه بس هذا الوقع

وانا اشوف لو نسوي حمله نجمع من البيوت ملابس قديمه ونظيفه ومرتبه نوزعها على العمال

المساكين ال يشتغلون ليل مع نهار لتشيد عمرانا بلادنا والله لو يقلون حق قطري روح ابني وهو محتاج مارح يروح

مو كبر بس احنا عايشين في دول مطوره ومرتخيه على الأخر

وماشاء الله  كل دول الخليج عايشه ان تعاش اقتصادي كبير

والحمد الله

والله في ناس يقلون ان منظر الهنود المسرحين في البلاد مشوه المنظر العام للدوله

طيب من جاب هالناس من آخر الدنيا غيرنا احنا شعب هذه الدوله

ياناس مو الهنود الي يشوهون المنظر والله ان الناس الي يجبون اهنود ويقطونهم جي بدون شغل هم الي

يشوهون منظر البلاد وليس الكل انا اقول بعض الناس الي مايهمهم غير ان افلوسهم تزيد وبس حتى ولو كان على احساب الناس

والله ان محمد العوضي ظهر منظر والله عورني قلبي لما شفته

راح وصورفي احد العزب في الكويت صاحب العزبه شال خيمته وشال تلفزيونه وكل شيئ مطويه على صوب

ورد بيته وحط هذا العامل المسكين حارس على أغراضه لين الربيع الجاي يعني بيرجع له بعد سنه

والله ان حالت الهندي تعور القلب حاطله اشويت خشب فوق بعض ومخده مشققه وحالته كلش تكسر الخاطر

والله اذا يبي ماي او يقضي حاجته يمشي كم كيلو متر علشان يوصل لمسجد يقضي حاجته

ويقول انه فتش مخبه الهندي مالقى عنده غير ربع دينار

انا ماعرف كم يساوي بالريال القطري بس اضن هذا اقل من خمس ريلات

لأن الدينار يساوي عشر ريلات قطريه المهم مو هذا موضوعنا نرجع لموضوع الهندي

والله ماتصور ان في انسان في العالم يستحمل الحياة الي عايشه هذا الشخص

بس مسكين لقمة عيشه ورزقه ورزق اعياله يستوجب عليه ان يعيش حياة مثل

حياة الحيوانات <<<واسمحولي على هالكلمه الي مايليق اني اقولها

والله وطلع منظر ثاني لسكن العمال

والله حرام 14 أو15 شخص يعيشون في غرفه وحده والله ان الشخص ان الأخوان مايرضون يشتركون في غرفه وحده

يقلون ضيق وماناخذ راحتنا ومادري ايش كيف بهالمجموعه الكبيره الي ساكنه بغرفه وحده

6×6

والله ان المعامله السيئه لهالفئه من الناس يسبب

مشاكل كبيره لدرجة الأنتقام تحصلون الخدامه مثلاً لما الطفل يكون مع الخدامه في فترة غياب الأم

والأم تكون تعاملها مع الخدامه زفت الخدامه تضرب الطفل ولا تخليه يموت من الصياحه ولا تلتفت لها تحصلها تشوف التلفزيون او حتى تتكلم في التلفون

والله كل شيئ نسويه ي هالناس باجر يرد علينا

وانا ماجمع الكل في كلامي بل بعض الناس

وآسفه اذا ماجت الصياغه في الكتابه او خاني التعبير

في نهايت كلامي  احب اذكركم في حديث الرسول صلى الله عليه وسلم::حيث قال

كلكم راع وكلكم مسؤول عن رعيته، فالإمام راع ومسؤول عن رعيته، والرجل راع في أهله ومسؤول عن رعيته، والمرأة راعية في بيت زوجها ومسؤولة عن رعيتها، والولد راع في مال أبيه ومسؤول عن رعيته، والخادم راع في مال سيده

ومسؤول عن رعيته، وكلكم راع وكلكم مسؤول عن رعيته

صدق رسول الله الله صلى الله عليه وسلم

المسؤول راع ومسئول عن من هم تحت يده

 

وان شاء الله الموضوع لاقى استحسانكم

وبنتظار ارائكم

((للعلم هذي تتدوينه قديمه جدا لي وكنت ناشرته في اكثر من مكان وحبيت اعرضاها اهني بنفس صياغتها ))

 

 

.•:*¨`*:•.
..Mariam.M..